ek ek qatare kaa mujhe denaa padaa hisaab

ishq mujhako nahiin vahashat hii sahii
merii vahashat terii shoharat hii sahii

qataa kiije na ta'alluq ham se
kuchh nahiin hai to adaavat hii sahii

mere hone men hai kya rusvaaii
ye vo majalis nahiin khalvat hii sahii

ham bhii dushman to nahiin hain apne
Gair ko tujh se mohabbat hii sahii

apanii hastii hii se ho jo kuchh ho
aagahii gar nahii.n Gafalat hii sahii

umr har chand ke hai barq-e-Khiraam
dil ke Khuun karne kii fursat hii sahii

ham koii tarq-e-vafaa karate hain
na sahii ishq musiibat hii sahii

kuchh to de ai falak-e-na_i.nsaaf
aah-o-fariyaad kii ruKhasat hii sahii

ham bhii tasliim kii khuu daalenge
beniyaazii terii aadat hii sahii

yaar se chheda chalii jaaye "Asad"
gar nahiin vasl to hasarat hii sahii

-------------------------------------------------------------------------------------

donon jahaan deke vo samajhe ye khush raha

yaan aa padi ye sharm ki takraar kyaa karen

thak thak ke har maqaam pe do chaar rah gaye

tera pataa na paayen to naachaar kyaa karen

kyaa shamaa ke nahiin hai havaa Khvaah ahal-e-bazm

ho Gam hii jaan gudaaz to Gam_Khvaar kyaa karen

-------------------------------------------------------------------------------

ek ek qatare kaa mujhe denaa padaa hisaab

Khuun-e-jigar vadii_at-e-mishagaan-e-yaar thaa

ab main hun aur maatam-e-yak shahar-e-aarzu

toda jo tuu ne aa_iinaa timasaal daar thaa

galiyon men merii naash ko khenche phiro ki main

jaan daad-e-havaa-e-sar-e-rahaguzaar thaa

mauj-e-saraab-e-dasht-e-vafaa kaa na puchh haal

har zarraa misl-e-jauhar-e-teG aabadaar thaa

kam jaante the ham bhii Gam-e-ishq ko par ab

dekhaa to kam hue pa Gam-e-rozagaar thaa



----------------------------------------------------

dil se terii nigaah jigar tak utar gaii
donon ko ik adaa men razaamand kar gaii

shaq ho gayaa hai siinaa Khushaa lazzat-e-faraaG
takleef-e-pardaadaarii-e-zaKhm-e-jigar gaii

vo baadaa-e-shabaanaa kii saramastiyaan kahaan
uthiye bas ab ke lazzat-e-Khvaab-e-sahar gaii

udtii phire hai Khaak merii kuu-e-yaar men
baare ab ai havaa, havas-e-baal-o-par gaii

dekho to dil farebi-e-andaaz-e-naqsh-e-paa
mauj-e-Khiraam-e-yaar bhii kyaa gul katar gaii

har bulahavas ne husn parastii shi_aar kii
ab aabaruu-e-shevaa-e-ahal-e- nazar gaii

nazzaare ne bhii kaam kiyaa vaan naqaab kaa
mastii se har nigah tere ruKh par bikhar gaii

fardaa-o-diin kaa tafarruuqaa yak baar mit gayaa
kal tum gae ke ham pe qayaamat guzar gaii

maaraa zamaane ne 'Asadullah Khaan" tumhen
vo valavale kahaan, vo javaanii kidhar gaii