dard se mere hai tujhko beqaraarii haaye haaye
kyaa huaa zaalim terii Gafalatashi'aarii haaye haaye
tere dil men gar na thaa aashob-e-Gam kaa hausalaa
tuu ne phir kyun kii thii merii Gam-gusaarii haaye haaye
kyun merii Gam-Khvaaragii kaa thujhko aayaa thaa Khayaal
dushmanii apanii thii merii dostadaarii haaye haaye
umr bhar kaa tuune paimaan-e-vafaa baa.Ndhaa to kyaa
umr bhar ko bhii to nahii.n hai paayadaarii haaye haaye
zahar lagatii hai mujhe aab-o-havaa-e-zindagii
yaanii tujhase thii ise naasaazagaarii haaye haaye
gulafishaani haaye naaz-e-jalvaa ko kya ho
Khaak par hotii hai terii laalaakaarii haaye haaye
sharm-e-rusavaa_ii se jaa chhupanaa naqaab-e-Khaak me.n
Khatm hai ulfat kii tujh par pardaadaarii haaye haaye
Khaak men naamuus-e-paimaan-e-muhabbat mil gaii
uth ga_ii duniyaa se raah-o-rasm-e-yaarii haaye haaye
haath hii teg-aazmaa kaa kaam se jaataa rahaa
dil pe ik lagne naa paayaa zakhm-e-kaarii haaye haaye
kis tarah kaate ko_ii shab haa_e taar-e-barshigaal
hai nazar khun kardaa-e-akhtar-shumaarii haaye haaye
gosh mahajuur-e-payaam-o-chashm maharuum-e-jamaal
ek dil, tis par ye naa-ummiid-vaarii haaye haaye
ishq ne pakada na thaa"Ghalib"abhii vahashat ka rang
rah
