aye jazbaa-e-dil gar main chaahun har chiiz muqaabil aa jaaye
manzil ke liye do gaam chalun aur saamane manzil aa jaaye
aye dil kii Khalish chal yun hii sahii, chalataa to hun unakii mahafil men
us vaqt mujhe chaunkaa denaa jab rang pe mahafil aa jaaye
aye rahabar-e-kaamil chalane ko tayyaar to hun par yaad rahe
us vaqt mujhe bhaTakaa denaa jab saamane manzil aa jaaye
haan yaad mujhe tum kar lenaa aavaaz mujhe tum de lenaa
is raah-e-muhabbat men koii darapaish jo mushkil aa jaaye
ab kyun dhundhun vo chashm-e-karam hone de sitam balaa-e-sitam
main chaahataa hun ai jazbaa-e-Gam mushkil pas-e-mushkil aa jaaye
is jazb-e-dil ke baare men ik mashvaraa tum se letaa hun
us vaqt mujhe kyaa laazim hai jab tujh pe meraa dil aa jaaye
aye barq-e-tajalli kyaa tune mujh ko bhii muusaa samajhaa hai
main tuur nahiin jo jal jaauun jo chaahe muqaabil aa jaaye
---------------------------------------------------------------------------
diiwaanaa banaanaa hai to diiwaanaa banaa de
warnaa kahiin taqdiir tamaashaa na banaa de
aye dekhanewaalon mujhe hans ke na dekho
tum ko bhii mohabbat kahiin mujh saa na banaa de
main dhuundh rahaa hun merii wo shammaa kahaan hai
jo bazm kii har chiiz ko parwaanaa banaa de
aakhir koii suurat bhii to ho Khaanaa-e-dil kii
Kaabaa nahiin bantaa hai to but_Khaanaa banaa de
"Behzad" har ek jaam pe ek sajdaa-e-mastii
har zarre ko sang-e-dar-e-jaanaan naa banaa de
tum naGmaa-e-maah ho anjum ho tum soz-e-tamannaa kyaa jaanotum dard-e-muhabbat kyaa samajho tum dil kaa tadapnaa kyaa jaano sau baar agar tum ruuth gaye ham tum ko manaa hii lete theik baar agar ham ruuth gaye tum ham ko manaanaa kyaa jaano taKhriib-e-muhabbat aasaan hai taamiir-e-muhabbat mushkil haitum aag lagaanaa siikh gaye tum aag bujhaanaa kyaa jaano tum duur khade dekhaa hii kiye aur Duubane vaalaa Duub gayaa saahil ko tum manzil samajhe tum lazzat-e-dariyaa kyaa jaano tumhaare bulaane ko jii chaahtaa hai
muqadar banane ko jii chaahtaa hai
jo tum aao to saath khushiyaan bhii aayen
mera muskurane ko jii chaahtaa hai
tumhaarii muhabbat men khoyii huii hun
tumhen ye sunaane ko jii chaahataa hai
ye jii chaahataa hai ki tumhaarii bhii sun luun
Khud apanii sunaane ko jii chaahataa hai
