Iqbal Saheb Ka Shikwa

Shayer Asghar Gondvi

ye ishq ne dekhaa hai ye aql se pinhaaN hai

qatare men samandar hai zarre men bayaabaaN hai

ai paikar-e-mahabuubii main kis se tujhe dekhuuN

jis ne tujhe dekhaa hai vo diidaa-e-hairaaN hai

sau baar teraa daaman haathon men mere aayaa

jab aaNkh khulii dekhaa apanaa hii girebaaN hai

ye husn kii maujen hain yaa josh-e-tamannaa hai

us shoKh ke honThon par ik barq sii larazaaN hai

'Asghar' se mile lekin 'Asghar' ko nahiin dekhaa

ashaar men sunte hain kuchh kuchh vo numaayaaN hai

-------------------------------------------------------------------------------

Ye raaz hai meri zindgi ka

pahne huye hoon kafan Khudi ka

phir nashtar-e-Ghum se cherte hain

ik tarz hai ye bhi dil dahi ka

o lafz-o-baya main chupane wale

ab qasd hai aur Khamoshi ka

marna to hai ibtada ki ik bat

jina hai kamal moontahi ka

haa sina golon ki tarah kar chak

de mar ke saboot zindgi ka

--------------------------------------------------------------------------------------

Ye mujh se pochiye kya justaju main lazzat hai

faza-e-dahar main tahlil ho gaya hoon mai

hatake shisha-o-sagar hujom-e-masti main

tamam arsa-e-alam pe cha gaya hoon mai

ura hoon jab to falak pe liya hai dam ja kar

zameen ko tor gaya hoon jo rah gaya hoon mai

rahi hai Khak ke zarroon main bhi chamak meri

kabhi kabhi to sitaroon main mil gaya hoon mai

-------------------------------------------------------------------------------------

paas-e-adab main josh-e-tamanna liye huwe

mai bhi hoon ek hobab main dariya liye huwe

rag-rag main aur kuch na raha joz Khayal-e-dost

us shoK ko hoon aj sarpa liye huwe

sarmaya-e-hayat hai hirmane-e-ashiqi

hai sath ek sorat-e-zeba liye huwe

josh-e-junoon main chot gaya astan-e-yar

rote hain mounh main daman-e-sahra liye huwe

`Asghar` hujom-e-dard-e-Garibi main uski yaad

ai hai ik tilismi tamanna liye huwe

------------------------------------------------------------------------------------------

majoo ka aks hai Khat-e-jam-e-sharab main

ya Khoon uchal raha hai rag-e-mohtab main

wo mot hai k kahte hain jisko sukoon sab

wo ain zindgi hai jo hai iztarab main

dozakh bhi ek jalwa-e-firdoos se husn hai

jo is se bekhabar hain wahi hain azab main

us din bhi meri rooh thi mahw-e-nishat-e-did

moosa ulajh gae the sawal-o-jawab main

mai iztarab-e-shoq kahoo ya jamal-e-dost

ik barq hai jo kaondh rahi hai naqaab main

----------------------------------------------------------------------------------------

Ik alam-e-hairat hai fana hai na baqa hai

hairat bhi ye hai k kya janiye kya hai

sao bar jala hai to ye sao bar bana hai

hum sokhta janoo ka nasheman bhi bala hai

honthoo pe tabassum hai k ek barq-e-bala hai

ankhoo ka ishara hai k sailab-e-fana hai

sunta hoon bare gorr se afsana-e-hasti

kuch Khwab hai kuch asl hai kuch tarz-e-ada hai

hai tere tasawor se yaha noor ki barish

ye jan-e-hazi hai k shabistan-e-hira hai

---------------------------------------------------------------------------------------------

Khuda jane kaha hai `Asghar`-e-dewana barsoo se

ki us ko DhoonDhte hain ka`baba-o-butKhana barsoo se

tarpana hai na jalana hai na jalkar Khak hona hai

ye kyun soi hoi hai fitrat-e-parwana barsoo se

koi aisa nahi yaar ab k jo is dard ko samjhe

nahi maloom kyun Khamosh hai diwana barasoo se

hasinoo par na rang aaya na phooloon main bahar aii

nahin aya jo lab par naGma-e-mastana barsoo se

  -----------------------------------------------------------------------------------------------------------

Husn ko wusaten jo deen ishq ko hausla diya

Jo na mile na mit sake mujh ko wo mudd'aa diya

Haath me leke jaam-e-maey aaj wo muskura diya

Aql ko sard kar dia ruh ko jagmaga diya

Dil pe liya hai daag-e-ishq khoke bahaar-e-zindagi

Ik ghul-e-tar ke waaste mainey chaman lutaa diya

Kuchh to kaho ye kya hua tum bhi the saath kya

Ghum me yah kyun suroor tha dard ne kyun maza diya

Ab na yah meri zaat hai ab na ye kaaenaat hae

Mainey nawa-e-ishq ko saaz se yun mila diya

Aks jamaal-e-yaar ka aainaa-e-khudi me dekh

Yah ghum-e-ishq kya dia mujhse mujhe chhipa diya

Hashr me aaftaab-e-hashr aur wo shor-e-al'amaan

'Asghar'-e-butparast ne zulf ka waasta diya

aalaam-e-rozgaar ko aasaaN banaa diyaa

jo gham huaa, use gham-e-janaaN banaa diyaa

maiN kaamyaab-e-deed bhii, mahruum-e-deed bhii

jalvoN ke aZhdahaam ne hairaaN banaa diyaa

yuuN muskuraye, jaan si kaliyoN meN paR gayii

yuuN lab-kushaa hue ki gulistaaN banaa diyaa

voh shorisheN, nizaam-e-jahaaN jinke dam se hai

jab muKhtasar kiyaa unheN insaaN banaa diyaa

aye sheikh! voh baseet haqiqat hai kufr kii

kuchh qaid-o-rasm ne jise iimaaN banaa diyaa

ham us nigaah-e-naaz ko samjhe the neshtar

tumne to muskuraa ke rag-e-jaaN banaa diyaa

Iqbal Saheb Ki Dua

Dua

--------

Prayer

-----------

Ya Rab! Dil-e-Muslim Ko Woh Zinda Tamana De

Jo Qalb Ko Garma De, Jo Rooh Ko Tarpa De

Phir Wadi-e-Faran Ke Har Zarre Ko Chamka De

Phir Shauq-e-Tamasha De,Phir Zauq-e-Taqaza de

Mehroom-e-Tamasha Ko Phir Dida-e-Beena De

Dekha Hai Jo Kuch Mein Ne Auron Ko Bhi Dikhla De

Bhatke Huway Aahu Ko Phir Soo’ay Haram Le Chal

Iss Sheher Ke Khugar Ko Phir Wusaat-e-Sehra De

Paida Dil-e-Weeran Mein Phir Shaurish-e-Mehshar Kar

Iss Mehmil-e-Khali Ko Phir Shahid-e-Laila De

Iss Dour Ki Zulmat Mein Har Qalb-e-Preshan Ko

Woh Dagh-e-Mohabbat De Jo Chand Ko Sharma De

Riffat Mein Maqasid Ko Humdosh-e-Surraya Kar

Khuddari-e-Sahil De, Azadi-e-Darya De

Be Lous Mohabbat Ho, Bebak Sadaqat Ho

Seenon Mein Ujala Kar, Dil Soorat-e-Meena De

Ehsas Anayat Kar Asaar-e-Mosibat Ka

Amroz Ki Shuarish Mein Andesha-e-Farda De

Main Bulbul-e-Nalan Hun Ek Ujre Gulistan Ka

Taseer Ka Saa’il Hun, Mauhtaj Ko, Data De!

Translation

---------------

Lord, fill the Muslim’s heart with a desire so fervent

That it will set his heart aflame and stir his soul.

Light up again every speck of dust in the Valley of Faran.

Make us long again for beautiful sights, and create in us the urge to make demands.

Give piercing vision to those deprived of sight,

and show to others what I have seen.

Lead the stray gazelle back to the Sanctuary.

It has grown used to the city ‐ Give it back the vastness of the desert.

Stir up again the ruins of the heart with a commotion like judgment Day.

Let this empty litter once again seat a sweetheart ‐ a Layla!

In the darkness of this age give to every troubled heart

Scars of love that would shame the moon.

Let the goals be as high as the Pleiades.

Give us the calm and poise of the shore, But the freedom of the sea.

Let love be selfless and truth fearless;

Let our breasts be flooded with light‐Make our hearts clear as crystal.

Enable us to foresee the calamity that is coming;

In the midst of today’s upheaval give us a vision of tomorrow.

I am a nightingale making my lament, I am from a garden which has been ravaged.

I wish that my prayer would have effect—Give to a beggar, bounteous Lord!

Iqbal Saheb ka ek khubsurat Kalaam

Maan Ka Khawab

-------------------------

Mein Soyi Jo Ek Shab To Dekha Ye Khawab

Badha Aur Jis Say Mera Iztarab

Ye Dekha Ke Mein Ja Rahi Hun Kahin

Andhera Hai Aur Rah Milti Nahin

Larazta Tha Der Se Mera Baal Baal

Qadam Ka Tha Dehshat Se Uthna Mahal

Jo Kuch Hosla Pa Ke Aagay Badhi

To Dekha Qitar Aik Ladkon Ki Thi

Zumurad Si Poshak Pehne Huay

Diye Sub Ke Hathon Mein Jalte Huay

Woh Chup Chap Thay Agay Peeche Rawaan

Khuda Jaane Jaana Tha Un Ko Kahan

Iss Soch Mein Thi Ke Mera Pisar

Mujhe Uss Jamaat Mein Aya Nazar

Woh Peche Tha Aur Taez Chalta Na Tha

Diya Uss Ke Hathon Mein Jalta Na Tha

Kaha Mein Ne Pehchan Ker, Meri Jaan!

Mujhe Chor Ker Aa Gye Tum Kahan?

Judai Mein Rehti Hun Main Be-Qarar

Paroti Hun Her Rouz Ashkon Ke Haar

Na Perwa Humari Zara Tum Ne Ki

Gye Chor, Achi Wafa Tum Ne Ki!

Jo Bache Ne Dekha Mera Peach O Taab

Diya Uss Ne Munh Phair Ker Yun Jawab

Rulati Hai Tujh Ko Juddai Meri

Nahin Uss Mein Kuch Bhi Bhalai Meri

Ye Keh Ker Vo Kuch Dair Tak Chup Raha

Diya Phir Dikha Ker Ye Kehne Laga

Samajhti Hai Tu Ho Gaya Kya Issay?

Tere Aanasuon Ne Bhujaya Issay!