Sauda-Sari-ye Khayal-e-Akbari

dil meraa jis se bahalataa ko_ii aisaa na milaa

----------------------------------------------------------

dil meraa jis se bahalataa ko_ii aisaa na milaa

but ke bande to mile allaah kaa bandaa na milaa

bazm-e-yaaraaN se phirii baad-e-bahaarii maayuus

ek sar bhii use aamaadaa-e-saudaa na milaa

gul ke KhvaahaaN to nazar aaye bahut itr_farosh

taalib-e-zam_zam-e-bul_bul-e-shaidaa na milaa

vaah kyaa raah dikhaaii hamen murshad ne

kar diyaa kaabe ko gum aur kalisaa na milaa

sayyad uTThe jo gazaT le ke to laakhon laaye

shaiKh quraan dikhaataa phiraa paisaa na milaa

duniyaa men huuN duniyaa kaa talab_gaar nahiin huuN 

baazaar se guzaraa huuN Khariidaar nahiin huuN  

zindaa huuN magar ziist kii lazzat nahiin baaqii 

har chand ki huuN hosh men hoshiyaar nahiin huuN 

is Khaanaa-e-hastii se guzar jaauuNgaa belaus 

saayaa huuN faqat naqsh-e-diivaar nahiin huuN 

afasurdaa huuN ibarat se davaa kii nahiin haajat  

Gam kaa mujhe ye zauf hai biimaar nahiin huuN 

vo gul huuN KhizaaN ne jise bar_baad kiyaa hai 

uljhuuN kisii daaman se main vo Khaar nahiin huuN 

yaarab mujhe mahafuus rakh us but ke sitam se 

main us kii inaayat kaa talab_gaar nahiin huuN 

afasurdagii-o-jaur kii kuchh had nahiin "Akbar" 

kaafir ke muqaabil men bhii diin_daar nahiiN huuN 

 ------------------------------------------------------------------------------------------------------------

hangaamaa hai kyuu.N barpaa tho.Dii sii jo pii lii hai

 ------------------------------------------------------------------

hangaamaa hai kyuuN barpaa thoDii sii jo pii lii hai 

Daakaa to nahiin Daalaa chorii to nahiin kii hai 

naa-tajurbaakaarii se vaa_iz kii ye baaten hain 

is rang ko kyaa jaane puuchho to kabhii pii hai 

us mai se nahiin matalab dil jis se hai begaanaa 

maqasuud hai us mai se dil hii men jo khinchatii hai 

vaaN dil men ki sadame do yaa.N jii me.n ke sab sah lo 

un kaa bhii ajab dil hai meraa bhii ajab jii hai

har zarraa chamakataa hai anavaar-e-ilaahii se 

har saaNs ye kahatii hai ham hain to Khudaa bhii hai

suuraj men lage dhabbaa fitarat ke karishme hain 

but ham ko kahe kaafir allaah kii marzii hai

------------------------------------------------------------------------------------------------------------------

Chalaa jaataa thaa aik nanhaa sa keerhaa raat kaaghaz par 
Binaa qasd-e-zarar usko hataayaa maine ungalee se 

Magar vah aisa naazuk thaa ki fauran pis gayaa bilkul 
Nihaayat hee khafeef yak daagh kaagaz par rahaa uskaa 
Abhee vo raushanee mein shamm'a kee kaagaz pa firtaa thaa 
Abhee yoon mit gayaa vo jumbish-e angusht-e-insaa'n se 
Liyaa mere siva ''notice'' hee kisne uskaa duniyaa mein 
Na thee fitrat ko kyaa kaaree-garee uske banaane mein 

Nasab-naamaa bhee uskaa aalam-e-zarraat mein hogaa 
Yahee thee uskee hastee aour isee mein uskee mastee thee 
Na maatam karne vaalaa hai na ''life' likhane vaalaa hai 
Vo dhabbaa dars-e-ibrat de rahaa hai mujh ko ai ''akbar'' 

Ma'aaz allah kyaa samjhaa hai toone apnee waq'at ko 
Tujhe bhee safah'ai roo-e-zamee'n se aik din aakhir 
Mitaa degee koee tahreek-e-fitrat hukm-e-baaree se 
Ajab hairat se main hoon dekhataa iss daag-e- kaagaz ko 

Meree nazaron mein to naqshaa ye hai duniyaa-e-faanee ka 
Sareehan zism thaa aik jaan thee ahsaas thee usmein 
Au ab dhabbaa sa hai kya jaane koee kaisaa dhabbaa hai 
Ajab kya hai koee samjhe ''pencil'' kee lakeer isko 

Ma'aaz allah ma'aaz allah sannaate ka aalam hai 
Bahut jee chaahtaa hai ro'oon iss hastee ke dhabbe par 
Ye hain barsaat ke din teesaree bhaadon guzaratee hai 
Main apnaa gham ghalat kartaa hoon kuchh ash'aar likhane se 

Akbar Allahbadi 

alsafii ko bahas ke andar Khudaa milta nahiiN
Dor ko suljha rahaa hai, aur siraa milta nahiiN

maarifat Khaalik kii aalam meN bahut dushvaar hai
shahar-e-tan meN jab ki Khud apna pataa milta nahiiN

kashti-e-dil kii ilaahii bahar-e-hastii meN ho Khair
naa_Khuda milte haiN lekin baa_Khuda milta nahiiN

ziNdagaanii ka mazaa milta thaa jin kii bazm meN
unkii qabroN ka bhii ab mujh ko pataa milta nahiiN

sarf-e-zaahir ho gayaa sarmaaya-e-zeb-o-vafaa
kyaa t'ajjub hai jo baatin baa_safaa milta nahiiN

puKhta tab'oN par havaadis ka nahiiN hotaa asar
kohsaaroN meN nishaan-e-naqsh-e-pa milta nahiiN

shaiKh saahab barHaman se laakh barteN dostii
be-bhajan gaaye to maNdir se Takaa milta nahiiN

''Akbar'' Allahabadi

Akbar Alhabadi

Akbar Allahabadi (b. 1846 - d.1921) was a famous Urdu poet, who was born as Syed Akbar Hussain at Allahabad on 16th November, 1846. Though initially educated only in madrasas (religious school), he later studied law and finally retired as a session judge in Allahabad High Court. He lived through tumultuous times, which is evident in his poetry, witessing the first war of independence in 1857, first world war and even the initial part of Gandhi's peaceful movement.

Akbar's ustad was Waheed, who was the shagird of Aatish. Akbar is the pioneer in the field of humour and sarcasm; before him there were only serious poets who ocassionly had one or two ash'ar of that kind in their ghazals. For Akbar humour was not only a style but an instrument to clearly understand the social change. He conveys his message in his own original style without losing the humorous feel.

Like Iqbal he was also a poet of the mind, they both used their poetry to awaken the sleeping masses, but there is a sharp contrast in their styles. Underneath the wave of humour, we find the poet's pain - pain that this society is changing for the worst, pain that Muslims are forgetting their true values. Whereas Iqbal went on the define the causes and the solutions to those problems, Akbar style went more on defining the causes.

takeed-e-ibaadat pay yeH sab kahte haiN laRhke
peeri meiN bhi AKBAR ki zarafat nahiN jaati
[takeed-e-ibaadat = to remind for prayers, peeri= old age]

Akbar had great understanding and control of the Urdu language. He used simple language with very effective use. He also used English words in his poetry with interesting results, which was also to make fun of the Hindustanis who pretend to be British; a subculture that had thrived in the era of Akbar.

Another aspect of his poetry is the strict criticism of so called religious figures who destroyed the dignity of islam by playing double standards. His poetry is the mouth piece of the modern culture at that time and clearly portrays his indepth knowledge with what was happened and the transition in cultural values.

He died in 1921 in Allahabad, the city of his birth.

Shaayer"Farhat Abbas Shah"

Hijr aur Duubte suraj ki qasam

shaam ke paar koi rehta hai

jis ki yaadon se bandhi rehti hai daRkan dil ki

aur usse dekh ke seene maiN yahi laGta hai

jese veerane maiN beemar koi rehta hai

ham bohat chup bhee nahi reh sakte

duur tak dhalakte hu’ay saaye uRaate hain mazaaq

aur kehte haiN ke aey zard udaasi wale

tum tou khamosh shajar ho koi

aur jhoNke se bhee dar jate ho

subah hoti hai tou umeed se ji uth’te ho

shaam hoti hai tou mar jate ho

hijr aur Duubte suraj ki qasam

duur tak dhalte hu’ay saaye uRaate hain mazaaq

aag ho to jalane men der kitanii lagatii hai

aag ho to jalane men der kitanii lagatii hai 

barf ke pighalane men der kitanii lagatii hai

chaahe ko_ii ruk jaaye chaahe koii rah jaaye 

qaafilon ko chalane men der kitanii lagatii hai

chaahe ko_ii jaisaa bhii ham_safar ho sadiyon se 

raastaa badalane men der kitanii lagatii hai

ye to vaqt ke bas men hai ke kitanii mohalat de 

varnaa baKht Dhakane men der kitanii lagatii hai

mom kaa badan lekar dhuup me.n nikal aanaa 

aur phir pighalane men der kitanii lagatii hai

soch kii zamiinon men raaste judaa hon to 

duur jaa nikalane men der kitanii lagatii hai

main ne dekhaa diivaanon ko shaam ke baad

mai.n ne dekhaa diivaanon ko shaam ke baad 

DhuuNDh rahe the viiraanon ko shaam ke baad 

taariikii phir saare aib chhupaa legii 

le aanaa ghar mahamaanon ko shaam ke baad 

main ne us kaa sog manayaa kuchh aisaa 

Khaalii rakhaa paimaanon ko shaam ke baad 

yaad kare jab mujh ko terii tanhaa_ii 

dekhaa karanaa gul_daanon ko shaam ke baad 

"Farhat" chaaNd ke Khauf se kar letaa huuN band 

kamare ke raushan_daanon ko shaam ke baad 

samay samay kii Khalish men teraa malaal rahe

samay samay kii Khalish men teraa malaal rahe 

judaa_iiyon men bhii yuuN aalam-e-visaal rahe 

anaa kii jang men ham jiit to gaye lekin 

phir us ke baad bahut der tak niDhaal rahe 

raah-e junuu.N men yahii zaad-e-raah hotaa hai 

ke justajuu baDe divaanagii bahaal rahe 

hasiin raaten bhii mahaken tumhaarii yaadon se 

kaDe dinon men bhii pal pal teraa Khayaal rahe 

tuu ek baar zaraa kishtiyaaN jalaa to sahii 

hai kyaa majaal ke ek lamhaa bhii zavaal rahe 

tuune dekhaa hai kabhii ek nazar shaam ke baad

tuune dekhaa hai kabhii ek nazar shaam ke baad

kitane chup-chaap se lagate hain shajar shaam ke baad

itane chup-chaap ke raaste bhii rahenge laa-ilm

chho.D jaayenge kissi roz nagar shaam ke baad

main ne aisee hii gunaah terii judaaii men kiye

jaise tuufaan men ko_ii chhoD de ghar shaam ke baad

shaam se pahale vo mast apanii uDaanon men rahaa

jis ke haathon men the TuuTe hue par shaam ke baad

raat biitii to gine aable aur phir sochaa

kaun thaa baa_is-e-aaGaaz-e-safar shaam ke baad

tuu hai suuraj tujhe maaluum kahaaN raat kaa dukh

tuu kisii roz mere ghar men utar shaam ke baad

lauT aaye na kissi roz vo aavaaraa majaaz

khol rakhate hain isii aas pe dar shaam ke baad

Kuch Zaroor Aaj Hamara Jaye

Ab To tatheer Ki Surat Hai yahi
Durd Ko Dil Se ghuzara Jaye

Uske Darbaar main khanjar ki tarah
Hijer seenay Main utara Jaye

Kia Kiya Jaye bata Wahshat Main?
Apnay hi Aap Ko Mara jaye?

Aye Khuda Kon Hamara Hai yahan
Sheher Main Kisko Pukara Jaye

Loon Sahar To yeah Dil Jata Hai
Dil ko thamoon To sahara jaye

koi jangle may ja thehray

koi basti may bas jayey

Mohabbat Sath hoti hay!

Mohabbat khusbowon ki lay

Mohabbat mousamoo ka dhun

Mohabbat Absharoon kay nikhertay paniyon ka munn

Mohabbat jangloon may raqs karti morni ka tunn

Mohabbat barf parti sardiyoon may dhop banti hay

Mohabbat chilchilatey gram sehrawon may thandi chawon ki manind

Mohabbat ajnabi duniya may apney gawon ki manind

Mohabbat dil !

Mohabbat jaaan !

Mohabbat Rooh ka Darmaan !

Mohabbat Morti hay .

Aur kabhi jo dil kay mandir may kahin par toot Jayey tou???

Mohabbat Kanch ki Guriya?

Fizaawon may kisi kay hath say Gar chhot jayey tou?????

Mohabbat Aabla hay karb ka

Aur phoot jayey tou .......????

Mohabbat Rog hoti hay !

Mohabbat Sog hoti hay !

Mohabbat Shaam hoti hay !

Mohabbat Raat hoti hay

Mohabbat jhilmilati Aankh may barsaat hoti hay!

Mohabbat Neend ki Rut may Haseen Khaboon kay rustoon par

Sulagtey , Jaan ko Aatey, Ratjagoon ki Ghaat hoti hay

Mohabbat Jeet hoti hay ?

Mohabbat Maat hoti hay ?

Mohabbat Zaaat hoti hay ?

" Mohabbat Zaat ki Takmeel hoti hay"

**Farhat Abbas Shah**

Jalnay lagi lahoo main judaee to ro diye

Jalnay lagi lahoo main judaee to ro diye

Tanhaiyon ne khaak uraaee to ro diye

Chehre ne tera roag chupaya to hans diye

Aankhon ne teri yaad manai to ro diye

Khushboo ne koi yaad dilaya tarap uthay

Phoolon ne daastaan sunaee to ro diye

Guzra hai hum pe khud yehi aalam iss liye

Hansne lagi kisi pe khudai to ro diye

Raas aa chuki thi teergi-e- shab kuch iss terha

Ger shama bhi kisi ne jalai to ro diye

"Farhat Abbas Shah"

------------------------------------------------------------------------------------------------------------------

Barishon ka moasam hay

roOh ki fizaOn main

Ghamzada hawaOn main

be-sabab udasi hay

is ajeeb moasam main

be-Qarar raton ki

be-shumaar batain hain

un-Ginat fasanay hayn

jo bohat khamoshi se

dil pe sehtay phirtay hain

aur be-amar majboori

sab se kehtay phirtay hain

aaj moasam acha hay

aaj hum bohat khush hayn

Chup ki jheel maindukh na gholo

veerani aahista bolo

Thaam ke beete waqt ki ungli

Serd hawa ke sang sang ho lo

Mushkil jaan ke dour na bhaago

Meri zaat ki girhain kholo

Aaj ki shab tanha ho bilkul

Aaj ki shab ji bher ker ro lo

Dil ke gehre ganga jal main

Khushiyon ke her paap ko dho lo

Daikho kon aaya hai milne

Lamha bher ko aankhain kholo

------------------------------------------------------------------------------------------------------------------

YEH AJEEB MAIRI MOHABBATAIN

koi poochey to main kia kahoon

ussey kia bataoon

yeh roz-o-shabb to janam janam pai muheet hai

merey zakhm zakhm dil-o-nazar

mujhey iss janam main nahi miley

merey rattjagey merey hamsafar

merey saath aaj nahi chaley

yeh muheeb wehshat-e-fiqr jo

merey naqsh naqsh ki rooh hai

koi bey sabaat bayaan nahi

yeh to aatmaon ka aks hai

yeh to devtaaon ka dhiyyan hai

yeh to janey kaisi sadi sadi ki azyaton ka giyyan hai

yeh ajeeb mairi mohabbatain yeh ajeeb mairey gham-o-allam

yeh naseeb sang-o-siyaah par

yeh warq warq pai garey qalam

yeh karra hisaar naya nahi

maira intazaar qadeem hai

maira uss sey piyaar qadeem hai

yeh ajeeb mairi mohabbatain

(Farhat Abbas Shah)

Abhi kuch pul hamarey haath main hain

koan jaaney

konsa lamha hamarey haath say phisley, girey

or paoon ki zanjeer hojayey

abhi yeh din jo lagta hay k hum ik doosrey k saath

reh saktey hain pal do pal

najaaney kub kahan deewaar bun jayain

abhi do chaar saansain buch rahi hain

yeh to jhaunka hain

kisey maloom kis aahistagi say yoon guzar jayay

k hum daryaoun k do mukhtalif na'aashna goongey kinaaroun par

kharey

ik doosrey ki shakal takney ko taras jayain

meri awaaz teri yaad main zinda hou bus

or main teri tasweer aankhoun main liyey rona chupaoon

shehar waaloun say

abhi kuch pul hamarey haath main hain

hum jo chahain gain to kuch kum kum bhi mil lain gain

magar jaaney kahan.... ?

kub... ?

konsa lamha....?

=======================================================================================

SHIDDATAIN

Bey tahasha hay tujhay yaad kia

or bhulaaya bhi bohat hay tujh ko

saari raunaq hee teray dum say hay

or teray bikhrey huay gham say hay

jis qadar

main nay talluq tera mehsoos kia

itni gehraayi tou roohoun main hua karti hay

jis qadar

main nay teri zaat ko khud main paaya

itni yaqtaayi kahan milti hay

faasley wuq'atain kho baithey hain

dooriyaan pheeki parheen

itni shiddat say tujhay socha hay

itni shiddat say tujhay chaha hay

shiddatain ishq ki mairaaj hua karti hain!!

Siyaah hijr gaya , zard intezaar gayey

kisi ka dard gaya dard k hisaar gayey

udaas raat, khizaan humsafar,safar gumnaam

teray khayaal k mausam humain tou maar gayey

naa jaan bharakti hay apni naa raakh hotey hain

humain yeh kaisi museebat main tum utaar gayey

ajeeb dushman-e-jaan tha k bin larhey jeeta

ajeeb jung thi hum jis main haar haar gayey

bohat hee thori see muhallat mili muhabbat ki

hum apna aap magar jaatey jaatey waar gayey

kisi k bhaijey huay aagayey thay dunya main

kisi say maangi hui zindagi guzaar gayey

na chaand atqa kisi jaa na badliyaan atkeen

hum uski raat k aangan main baar baar gayey!!

yuuN sajaa chaa.Nd ki jhalakaa tere a.ndaaz kaa rang

yuuN fazaa mahakii ki badalaa mere hamaraaz kaa rang

saayaa-e-chashm men hairaaN ruKh-e-raushan kaa jamaal

surKhii-e-lab pe pareshaa.N terii aavaaz kaa rang

bepiye hon ki agar lutf karo aaKhir-e-shab

shiishaa-e-may men Dhale subah ke aaGaaz kaa rang

cha.ngo-nay rang pe the apane lahuu ke dam se

dil ne lay badalii to madham huaa har saaz kaa rang

ik suKhan aur ki phir rang-e-takallum teraa

harf-e-saadaa ko inaayat kare ejaaz kaa rang